തിരുവനന്തപുരം : സംസ്ഥാനത്തിൻ്റെ വടക്കൻ ജില്ലകളിൽ അതിശക്തമായ മഴ. ഇന്ന് വയനാട്, കോഴിക്കോട്, കണ്ണൂർ, കാസർഗോഡ് ജില്ലകളിൽ റെഡ് അലർട്ടാണ്. ഇടുക്കി, എറണാകുളം, തൃശൂർ, പാലക്കാട്, മലപ്പുറം ജില്ലകളിൽ ഓറഞ്ച് അലർട്ടും പ്രഖ്യാപിച്ചു.(Heavy rain in Kerala)
കോഴിക്കോട് തൃക്കന്തോട് ഉരുൾപൊട്ടലുണ്ടായി. ഇത് ജനവാസമേഖലയല്ല. കുറ്റ്യാടി ചുരം പത്താം വളവിൽ മണ്ണിടിച്ചിൽ ഉണ്ടായി. കാസർഗോഡ് കുളങ്ങാട് മലയിലും മണ്ണിടിഞ്ഞു.
അതിതീവ്ര മഴ തുടരുന്ന സാഹചര്യത്തിൽ കേരളത്തിലെ 5 ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധി പ്രഖ്യാപിച്ചു. ഇത് കോഴിക്കോട്, കണ്ണൂര്‍, വയനാട്, തൃശ്ശൂര്‍, കാസര്‍ഗോഡ് ജില്ലകളാണ്. പ്രൊഫഷണൽ കോളേജുകൾക്കും ഇത് ബാധകമാണ്. എന്നാൽ, പരീക്ഷകൾക്ക് മാറ്റമില്ല.