HC : 'പാലിയേക്കരയിലെ ടോൾ പിരിവിനുള്ള വിലക്ക് തുടരും': ഹൈക്കോടതി, 30ന് കേസ് വീണ്ടും പരിഗണിക്കും

കൊച്ചി : പാലിയേക്കരയിലെ ടോൾ പിരിവിനുള്ള വിലക്ക് തുടരും. ഉത്തരവ് ഹൈക്കോടതിയുടേതാണ്. തൽക്കാലം ടോൾ പിരിവ് പുനരാരംഭിക്കേണ്ട എന്നാണ് ഡിവിഷൻ ബെഞ്ച് പറഞ്ഞത്. (HC on Paliyekkara Toll Plaza issue)

ഇന്ന് ഹൈക്കോടതി ഹർജികൾ പരിഗണിച്ചു. ജില്ലാ കളക്ടർ മുരിങ്ങൂരിൽ സർവ്വീസ് റോഡ് ഇടിഞ്ഞ സംഭവത്തിൽ കോടതിയിൽ റിപ്പോർട്ട് സമർപ്പിച്ചിരുന്നു. പലയിടത്തും ഇതിന് സാധ്യത ഉണ്ടെന്നാണ് റിപ്പോർട്ടിൽ പറയുന്നത്.

പിന്നാലെ ഹർജി പരിഗണിച്ച കോടതി, ടോൾ പിരിവ് തല്‍ക്കാലം പുനരാരംഭിക്കേണ്ടതില്ല എന്ന് ഉത്തരവിട്ടു. ഈ മാസം 30ന് വീണ്ടും കോടതി ഹർജി പരിഗണിക്കും. ഒരു മാസം മുൻപാണ് പാലിയേക്കരയിൽ ടോൾ പിരിവ് നിർത്തിവച്ചത്. ഇത് രൂക്ഷമായ ഗതാഗതക്കുരുക്ക് മൂലമാണ്.