കോട്ടയം : നീർനായയുടെ ആക്രമണത്തിൽ ഗൃഹനാഥന്റെ കാലിന് പരിക്ക്. തിരുവാർപ്പ് കരിയിൽ കെ.എ. എബ്രഹാമിനെയാണ് നീർനായ കടിച്ചത്. എബ്രഹാമിന്റെ കാലിന് പരിക്കേറ്റു.
ഇന്ന് വൈകുന്നേരം 5.30 നായിരുന്നു സംഭവം നടന്നത്. പാടത്തുനിന്നും വന്നതിനു ശേഷം മീനച്ചിലാറിന്റെ കൈവഴിയായ തോട്ടിൽ തുണി കഴുകിക്കൊണ്ടിരുന്നപ്പോൾ കാലിൽ കടിക്കുകയായിരുന്നു.
മൂന്ന് വിരലുകൾക്ക് ആഴമായ മുറിവുണ്ട്. എബ്രഹാമിനെ ഉടൻ തന്നെ കോട്ടയം ജില്ലാ ആശുപത്രിയിൽ എത്തിച്ച് ചികിത്സ നൽകി.