തിരുവനന്തപുരം: ബിജെപി ആദ്യമായി ഭരണം പിടിച്ചെടുത്ത തിരുവനന്തപുരം കോർപ്പറേഷനിലെ കൗൺസിലർമാരെ ലോക്ഭവനിലേക്ക് വിരുന്നിന് ക്ഷണിച്ച് ഗവർണർ രാജേന്ദ്ര അർലേക്കർ. ഇന്ന് വൈകിട്ട് നാല് മണിക്കാണ് ചായസൽക്കാരം സംഘടിപ്പിച്ചിരിക്കുന്നത്. ബിജെപി അംഗങ്ങൾക്ക് പുറമെ എൽഡിഎഫ്, യുഡിഎഫ് കൗൺസിലർമാരും വിരുന്നിൽ പങ്കെടുത്തേക്കും.(Governor's banquet for Thiruvananthapuram Corporation councilors today)
ഒരു കോർപ്പറേഷനിലെ മുഴുവൻ കൗൺസിലർമാരെയും ഗവർണർ ഔദ്യോഗികമായി വിരുന്നിന് വിളിക്കുന്നത് ഇതാദ്യമായാണ്. തിരുവനന്തപുരം കോർപ്പറേഷൻ ചരിത്രത്തിലാദ്യമായി ബിജെപി ഭരണത്തിന് കീഴിലായ സാഹചര്യത്തിൽ ഗവർണറുടെ ഈ നീക്കം രാഷ്ട്രീയ വൃത്തങ്ങളിൽ വലിയ ചർച്ചകൾക്ക് വഴിവെച്ചിട്ടുണ്ട്.
ഭരണകക്ഷിയായ ബിജെപി അംഗങ്ങൾക്കൊപ്പം പ്രതിപക്ഷത്തെ എൽഡിഎഫ്, യുഡിഎഫ് പ്രതിനിധികളെയും ഉൾപ്പെടുത്തിയത് ചടങ്ങിന് സർവ്വകക്ഷി സ്വഭാവം നൽകുന്നുണ്ടെങ്കിലും രാഷ്ട്രീയ നിരീക്ഷകർ ഇതിനെ ഉറ്റുനോക്കുകയാണ്.