കൊച്ചി: സംസ്ഥാനത്ത് സ്വർണ്ണവിലയിൽ വൻ ഇടിവ് തുടരുന്നു (Gold rate crash Kerala today updates). ഇന്ന് രണ്ട് തവണയായിട്ടാണ് വില കുറഞ്ഞത്. വൈകീട്ടോടെ രണ്ടാമതും വില ഇടിഞ്ഞതോടെ സ്വർണ്ണവില ഈ മാസത്തെ ഏറ്റവും കുറഞ്ഞ നിരക്കിലെത്തി. വൈകുന്നേരത്തെ വിപണിയിൽ ഗ്രാമിന് 130 രൂപ കുറഞ്ഞ് 13,100 രൂപയായി. ഇതോടെ പവന് 1,040 രൂപയുടെ വൻ കുറവുണ്ടാവുകയും വില 1,04,800 രൂപയിലെത്തുകയും ചെയ്തു.
ഇന്ന് രാവിലെ നടന്ന ആദ്യ വ്യാപാരത്തിൽ ഗ്രാമിന് 25 രൂപ കുറഞ്ഞ് 13,230 രൂപയും പവന് 200 രൂപ കുറഞ്ഞ് 1,05,840 രൂപയിലുമെത്തിയിരുന്നു. ഇതിന് പിന്നാലെയാണ് വൈകീട്ടോടെ വീണ്ടും വില കുത്തനെ ഇടിഞ്ഞത്.
കഴിഞ്ഞ ദിവസങ്ങളിലും സമാനമായ രീതിയിൽ സ്വർണ്ണവിലയിൽ വലിയ ഇടിവ് രേഖപ്പെടുത്തിയിരുന്നു. ഇന്നലെ രാവിലെയും ഉച്ചയ്ക്ക് ശേഷവുമായി രണ്ട് തവണ വില ഇടിഞ്ഞപ്പോൾ ഗ്രാമിന് 310 രൂപയും പവന് 2,480 രൂപയുമാണ് കുറഞ്ഞിരുന്നത്. ഇന്നലത്തെ വിപണി വില 1,06,040 രൂപയായിരുന്നു. ആഗോള വിപണിയിലെ ചലനങ്ങളാണ് പ്രാദേശിക വിപണിയിലും സ്വർണ്ണവില കുത്തനെ ഇടിയാൻ കാരണമായത്.
Story Summary: Gold prices in Kerala witnessed a sharp decline, hitting the lowest rate of the month. The prices dropped twice in a single day, with a cumulative decrease bringing the sovereign price down to ₹1,04,800 after a evening drop of ₹1,040. In the morning, the price had initially dropped by ₹200 to reach ₹1,05,840. This follows a major slump from the previous day where prices plummeted by ₹2,480 per sovereign.
