കൊച്ചി : കേരളത്തിലെ സ്വർണ്ണവിലയിൽ ഇന്ന് നേരിയ ഇടിവ്. പവന് 120 രൂപ കുറഞ്ഞ് 93,680 രൂപ എന്ന നിലയിലും, ഗ്രാമിന് 15 രൂപ കുറഞ്ഞ് 11,710 രൂപ എന്ന നിലയിലുമാണ് ഇന്ന് വിപണിയിൽ വ്യാപാരം നടക്കുന്നത്. (Gold prices in the state fall slightly, Know about Today's rate)
ഇന്ത്യയിൽ സ്വർണവില നിശ്ചയിക്കപ്പെടുന്നത് അന്താരാഷ്ട്ര വിപണിയിലെ ചലനങ്ങളെ ആശ്രയിച്ചാണ്. ആഗോള വിപണിയിൽ സംഭവിക്കുന്ന ചെറിയ മാറ്റങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കാറുണ്ട്.
ലോകമെമ്പാടുമുള്ള സ്വർണത്തിന്റെ ഡിമാൻഡ്, സപ്ലൈ, സാമ്പത്തിക സ്ഥിതി എന്നിവ വിലയെ നേരിട്ട് ബാധിക്കുന്നു. സ്വർണം സാധാരണയായി ഡോളറിലാണ് വ്യാപാരം ചെയ്യപ്പെടുന്നത്. ഡോളറുമായുള്ള രൂപയുടെ വിനിമയ നിരക്കിലെ വ്യതിയാനം സ്വർണവിലയെ സ്വാധീനിക്കുന്ന നിർണായക ഘടകമാണ്.
ഇന്ത്യ ഇറക്കുമതി ചെയ്യുന്ന സ്വർണത്തിന്മേൽ ചുമത്തുന്ന തീരുവയും വില വർദ്ധിപ്പിക്കാനോ കുറയ്ക്കാനോ കാരണമാകാറുണ്ട്. നിലവിൽ ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണമാണ് രാജ്യത്ത് ഇറക്കുമതി ചെയ്യപ്പെടുന്നത്. ഈ ഉയർന്ന ഡിമാൻഡ് കാരണം, ആഗോളതലത്തിലെ ചലനങ്ങൾ ഇന്ത്യൻ വിപണിയിൽ വേഗത്തിൽ പ്രതിഫലിക്കുന്നു.