തിരുവനന്തപുരം : ആഗോള അയ്യപ്പ സംഗമത്തിലെ പ്രതിനിധികളുടെ എണ്ണം 3250 ആയി ചുരുക്കും. ഇതിനായി ആദ്യം എത്തിയ 3000 പേരെ തിരഞ്ഞെടുക്കും. ദേവസ്വം ബോർഡ് 250 പേരെ നേരിട്ട് ക്ഷണിക്കുകയും ചെയ്യും. (Global Ayyappa Sangmam in Sabarimala)
ഇതുവരെയും ഓൺലൈനായി 4590 പേരാണ് അപേക്ഷ നൽകിയത്. രജിസ്‌ട്രേഷൻ നടപടി അവസാനിച്ചു. വിവിധ സെഷനുകളിലായി പങ്കെടുക്കുന്ന പ്രമുഖരെയും തീരുമാനിച്ചിട്ടുണ്ട്. കെ ജയകുമാർ ഐഎഎസ് ആണ് ശബരിമല മാസ്റ്റർപ്ലാൻ വിഷയാവതരണം നടത്തുന്നത്.
മാത്യു ജോസഫും അദ്ദേഹവും മാസ്റ്റർ പ്ലാൻ ഹൈപ്പർ കമ്മിറ്റി അംഗനഗ്ൽ ആയിരിക്കും. ആത്മീയ ടൂറിസം സാധ്യത വിഷയാവതരണം നടത്തുന്നത് കെ ബിജു ഐഎഎസ്, വേണു രാജാമണി, പി എസ് പ്രശാന്ത് എന്നിവരാണ്. തിരക്ക് നിയന്ത്രണത്തെക്കുറിച്ച് വിഷയാവതരണം നടത്തുന്നത് എ ഹേമചന്ദ്രൻ, ജി എസ് പ്രദീപ്, കെഎസ്ഡി എം.എ. ജേക്കബ് പുന്നൂസ്, ശ്രീരാം സാംബശിവ റാവു ഐഎഎസ് എന്നിവർ ആയിരിക്കും.