തിരുവനന്തപുരം: കല്ലടിമുഖത്തെ വൃദ്ധസദനത്തിൽ പാചകവാതക സിലിണ്ടർ പൊട്ടിത്തെറിച്ച് രണ്ട് ജീവനക്കാർക്ക് പരിക്കേറ്റു. ഗ്യാസ് സിലിണ്ടർ മാറ്റുന്നതിനിടെയുണ്ടായ വാതകച്ചോർച്ചയെത്തുടർന്ന് തീ പടരുകയായിരുന്നു. വൃദ്ധസദനത്തിലെ ജീവനക്കാരായ മായ, രാജീവ് എന്നിവർക്കാണ് പരിക്കേറ്റത്. ഇവരെ ഉടനടി ആശുപത്രിയിൽ പ്രവേശിപ്പിച്ചു.(Gas cylinder explosion in old age home, 2 injured)
അപകടസമയത്ത് വൃദ്ധസദനത്തിൽ 41 അന്തേവാസികളാണ് ഉണ്ടായിരുന്നത്. തീ പടരുന്നത് ശ്രദ്ധയിൽപ്പെട്ട ഉടൻ തന്നെ എല്ലാവരെയും സുരക്ഷിതമായി കെട്ടിടത്തിന് പുറത്തെത്തിക്കാൻ സാധിച്ചു. സമയോചിതമായ ഇടപെടൽ മൂലമാണ് വലിയൊരു ദുരന്തം ഒഴിവായത്.