കാസർകോട് : യൂത്ത് ലീഗ് മുൻ നേതാവ് എംഡിഎംഎ കേസിൽ അറസ്റ്റിൽ. മുസ്ലിം യൂത്ത് ലീഗ് കൂടരഞ്ഞി പഞ്ചായത്ത് മുൻ പ്രസിഡന്റ് സാദിഖലി കൂമ്പാറ ആണ് അറസ്റ്റിലായത്.
240 ഗ്രാം എംഡിഎംഎയുമായി അബ്ദുൾ ഖാദർ എന്ന ആൾ ഇന്നലെ ബേക്കൽ പൊലീസിന്റെ പിടിയിലായിരുന്നു. ഇയാളെ ചോദ്യം ചെയ്തതിൽ നിന്നുമാണ് സാദിഖലിയിലേക്ക് പൊലീസ് എത്തിയത്.
ലക്കിടിയിൽ നിന്നും ബത്തേരി പൊലീസ് സാദിഖിനെ കസ്റ്റഡിയിലെടുത്ത് ബേക്കൽ പൊലീസിന് കൈമാറുകയായിരുന്നു.