കൊച്ചി: മുൻ ബിഗ് ബോസ് താരം സജ്ന നൂർ ഗർഭിണിയാണെന്ന വാർത്ത സോഷ്യൽ മീഡിയയിൽ വലിയ ചർച്ചയാകുന്നു (Sajna Noor pregnant). താൻ ഒൻപത് ആഴ്ച ഗർഭിണിയാണെന്ന വിവരം സ്കാനിംഗ് റിപ്പോർട്ടിന്റെ ചിത്രത്തിനൊപ്പം ഇൻസ്റ്റാഗ്രാമിലൂടെയാണ് സജ്ന ആരാധകരുമായി പങ്കുവെച്ചത്. പ്രശസ്ത ഓസ്കാർ ജേതാവും സംവിധായകനുമായ റസൂൽ പൂക്കുട്ടിക്കൊപ്പമുള്ള ചിത്രമാണ് സജ്ന ഇതിനായി പോസ്റ്റ് ചെയ്തത്. ഗർഭിണിയാണെന്ന തരത്തിലുള്ള സൂചനകൾ മുൻപും താരം നൽകിയിട്ടുണ്ടെങ്കിലും ഇതാദ്യമായാണ് ഔദ്യോഗികമായി സ്ഥിരീകരിക്കുന്നത്.
എന്നാൽ പോസ്റ്റിന് താഴെ ആശംസകൾക്കൊപ്പം ‘ഇരുവരുടെയും വിവാഹം കഴിഞ്ഞോ?’ എന്ന ചോദ്യവുമായി നിരവധിപ്പേരാണ് രംഗത്തെത്തുന്നത്. ഈ ചോദ്യങ്ങളോട് സജ്ന ഇതുവരെ പ്രതികരിച്ചിട്ടില്ല. റസൂൽ പൂക്കുട്ടി തന്റെ ജീവിതത്തിലെ ഏറ്റവും നല്ലൊരു സുഹൃത്തും വലിയൊരു പിന്തുണയുമാണെന്ന് സജ്ന മുൻപ് പലപ്പോഴും വ്യക്തമാക്കിയിട്ടുണ്ട്.
ബിഗ് ബോസ് മലയാളം റിയാലിറ്റി ഷോയിലൂടെയാണ് സജ്നയും മുൻ ഭർത്താവ് ഫിറോസ് ഖാനും പ്രേക്ഷകർക്ക് പ്രിയങ്കരരാകുന്നത്. ഏറെ നാളത്തെ പ്രണയത്തിനൊടുവിലായിരുന്നു ഇരുവരുടെയും വിവാഹം. എന്നാൽ ഷോ കഴിഞ്ഞ് ഏതാനും മാസങ്ങൾക്കുള്ളിൽ തന്നെ ഇരുവരും വേർപിരിഞ്ഞത് വലിയ വാർത്തയായിരുന്നു. ഫിറോസുമായുള്ള ബന്ധത്തിലും സജ്നയ്ക്ക് ഒരു കുട്ടിയുണ്ട്. കൂടാതെ ആദ്യ വിവാഹത്തിൽ 17 വയസ്സുള്ള ഒരു മകനും താരത്തിനുണ്ട്.
തന്റെ മുൻ ദാമ്പത്യജീവിതം ഏറെ സങ്കീർണ്ണവും വേദനാജനകവുമായിരുന്നു എന്ന് സജ്ന മുൻപ് തുറന്നുപറഞ്ഞിട്ടുണ്ട്. ശാരീരികമായും സാമ്പത്തികമായും താൻ പീഡിപ്പിക്കപ്പെട്ടതായും, സ്വത്തുമായി ബന്ധപ്പെട്ട തർക്കങ്ങളാണ് വേർപിരിയലിലേക്ക് നയിച്ചതെന്നും സജ്ന ആരോപിച്ചിരുന്നു. എന്നാൽ സജ്നയ്ക്ക് സിനിമയിലെ ഒരു പ്രമുഖനുമായി ബന്ധമുണ്ടെന്നായിരുന്നു ഫിറോസിന്റെ ആരോപണം. ഈ ആരോപണങ്ങളെല്ലാം സജ്ന അന്ന് ശക്തമായി നിഷേധിച്ചിരുന്നു. ഫിറോസുമായുള്ള വേർപിരിയലിന് ശേഷമാണ് റസൂൽ പൂക്കുട്ടിയെ പരിചയപ്പെട്ടതെന്നും സജ്ന പറഞ്ഞിരുന്നു. റസൂൽ പൂക്കുട്ടി സംവിധാനം ചെയ്ത ‘ഒറ്റ’ എന്ന സിനിമയിൽ ചെറിയൊരു വേഷം ചെയ്തപ്പോഴുള്ള പരിചയമാണ് പിന്നീട് മികച്ച സൗഹൃദമായി മാറിയതെന്നും സജ്ന വ്യക്തമാക്കിയിരുന്നു.
Story Summary: Former Bigg Boss Malayalam contestant Sajna Noor has announced her pregnancy through Instagram, sharing a photo with her close friend and Oscar winner Resul Pookutty. Sajna revealed she is 9 weeks pregnant, sparking curiosity and speculation among netizens regarding her marital status.
