തിരുവനന്തപുരം: വർക്കലയിൽ ഭഷ്യ വിഷബാധയെത്തുടർന്ന് നൂറിലേറെപ്പേർ ചികിത്സ തേടി. ക്ഷേത്രത്തിലെ ഉത്സവത്തോടനുബന്ധച്ച് നടത്തിയ കഞ്ഞി സദ്യ കഴിച്ചവർക്കാണ് ദുരനുഭവമുണ്ടായത്. (Food poisoning in Varkala)
വർക്കല വിളഭാഗം അമ്മൻ നട ദേവീ ക്ഷേത്രത്തിലാണ് സംഭവം. ചൊവ്വാഴ്ച്ചയാണ് കഞ്ഞിസദ്യ നടന്നതെങ്കിലും രണ്ടു ദിവസത്തിന് ശേഷമാണ് ഭക്ഷ്യ വിഷബാധയുടെ ലക്ഷണങ്ങൾ അനുഭവപ്പെട്ടത്.
മിക്കവർക്കും കടുത്ത ഛർദ്ദിയും വയറിളക്കവും പനിയും ശരീരം തളർച്ചയുമാണ് ഉണ്ടായത്. ആരുടേയും നില ഗുരുതരമല്ല.