തിരുവനന്തപുരം : കിള്ളിപ്പാലം ബണ്ട് റോഡിന് സമീപം ആക്രിക്കടയ്ക്കു തീപിടിച്ചു. ഫയർഫോഴ്‌സിൻ്റെ സമയോചിതമായി ഇടപെടലിൽ മറ്റിടങ്ങളിലേക്ക് തീ പടരാതെ അണയ്ച്ചു. മുഹമ്മദ് ഹുസൈൻ്റെ ഉടമസ്ഥതയിലുള്ള ഹന - സന ട്രേഡ് എന്ന കടയ്ക്കാണ് തീ പിടിച്ചത്.
കടയ്ക്കുള്ളിൽ നിന്ന് പുക ഉയരുന്നത് കണ്ട ജീവനക്കാർ ആണ് ഫയർഫോഴ്സിൽ വരം അറിയിച്ചത്.സ്ഥലത്ത് ഫയർ ആൻഡ് റസ്‌ക്യൂ ഉദ്യോഗസ്ഥർ എത്തി തീ അണച്ചു.
ഏകദേശം 12 ലോഡ് ആക്രി സാധനങ്ങൾ കടയ്ക്കുള്ളിൽ ഉണ്ടായിരുന്നതായാണ് കണക്ക്. ഇതിൽ കടലാസ്, പേപ്പർ കവർ ഉൾപ്പെടെ ഉണ്ടായിരുന്നു. എന്നാൽ കൂടുതൽ സ്ഥലത്തേക്ക് തീ പടരാതിരുന്നത് കൊണ്ട് നഷ്ടം കുറയ്ക്കാൻ കഴിഞ്ഞു.