കൊച്ചി: പ്രവാസികൾക്കായി ഒരു കോടി രൂപയുടെ സൗജന്യ അപകട ഇൻഷുറൻസ് വാഗ്ദാനം ചെയ്യുന്ന ‘റെമിറ്റ് ആൻഡ് റീടെയ്ൻ കാംപെയ്ൻ ഫെഡറൽ ബാങ്ക് ആരംഭിച്ചു (Federal Bank NRI Insurance). എൻആർഇ, എൻആർഒ സേവിംഗ്സ് അല്ലെങ്കിൽ കറന്റ് അക്കൗണ്ടിലേക്ക് ഒറ്റത്തവണയായി കുറഞ്ഞത് 2 ലക്ഷം രൂപ അയച്ച് 60 ദിവസത്തേക്ക് അക്കൗണ്ടിൽ നിലനിറുത്തുമ്പോൾ ഒരു വർഷത്തേക്കുള്ള സൗജന്യ ആഗോളതല ഇൻഷുറൻസ് പരിരക്ഷ ലഭിക്കുന്നു. അപകടമരണത്തിന് ₹25 ലക്ഷം വരെയും, അപകടത്തെ തുടർന്നുണ്ടാകുന്ന സ്ഥിരമായ വൈകല്യത്തിന് ₹25 ലക്ഷം വരെയും, വിമാനയാത്രയ്ക്കിടെ സംഭവിക്കുന്ന അപകടമരണത്തിന് ₹1 കോടി (₹100 ലക്ഷം) വരെയുമാണ് പരിരക്ഷ. എൻആർഐ ബിസിനസിൽ രാജ്യത്തെ നാലാമത്തെ വലിയ ബാങ്കായ ഫെഡറൽ ബാങ്ക്, പ്രവാസികൾക്ക് എളുപ്പവും സുരക്ഷിതവുമായ രീതിയിൽ നാട്ടിലേക്ക് പണം അയയ്ക്കാൻ 90‑ലധികം റിമിറ്റൻസ് സേവനദാതാക്കളുമായും 20 വിദേശ കറസ്പോണ്ടന്റ് ബാങ്കുകളുമായും സഹകരിച്ച് പ്രവർത്തിക്കുന്നു. ലോകമെമ്പാടുമുള്ള ബാങ്കിന്റെ 15 ലക്ഷം പ്രവാസി ഇടപാടുകാർക്കു വേണ്ടിയാണ് ക്യാമ്പയിന് തുടക്കം കുറിച്ചിരിക്കുന്നത്. വിശദ വിവരങ്ങൾക്ക്: https://www.federal.bank.in/remit-n-retain-2026 സന്ദർശിക്കുക.
പ്രവാസികൾക്കായി ഫെഡറൽ ബാങ്ക്; ഒരു കോടി രൂപയുടെ സൗജന്യ ഇൻഷുറൻസ് പദ്ധതി ആരംഭിച്ചു | Federal Bank NRI Insurance
🎙️ Latest Podcast
ഇവിടെ പോസ്റ്റു ചെയ്യുന്ന അഭിപ്രായങ്ങൾ ടൈംസ് കേരളയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.