പാലക്കാട്: അട്ടപ്പാടിയിൽ തണ്ടപ്പേര് ലഭിക്കാൻ വൈകിയതിനെ തുടർന്ന് കർഷകൻ ജീവനൊടുക്കിയതായി ആരോപണം. അട്ടപ്പാടി കാവുണ്ടിക്കൽ ഇരട്ടകുളം സ്വദേശിയായ കൃഷ്ണസ്വാമി (52) യെയാണ് കൃഷി സ്ഥലത്ത് തൂങ്ങി മരിച്ച നിലയിൽ കണ്ടെത്തിയത്.(Farmer commits suicide in Attappadi)
വില്ലേജ് ഓഫീസിൽ നിന്ന് കൃഷിഭൂമിയുടെ തണ്ടപ്പേര് കിട്ടാത്തതിനെ തുടർന്നുള്ള മനോവിഷമം കാരണമാണ് കൃഷ്ണസ്വാമി ജീവനൊടുക്കിയതെന്ന് കുടുംബം ആരോപിക്കുന്നു. കഴിഞ്ഞ ആറ് മാസമായി തണ്ടപ്പേരിനായി കൃഷ്ണസ്വാമി വില്ലേജ് ഓഫീസിൽ കയറിയിറങ്ങുകയായിരുന്നുവെന്നും കുടുംബം പറയുന്നു.
സംഭവത്തിൽ കാലതാമസമുണ്ടായിട്ടില്ലെന്നാണ് റവന്യൂ വകുപ്പിൻ്റെ വിശദീകരണം. സാങ്കേതിക പ്രശ്‌നങ്ങൾ നീക്കാനായുള്ള നടപടികൾ തുടരുകയായിരുന്നു എന്നും റവന്യൂ വകുപ്പ് വ്യക്തമാക്കി.