ഉ​പ്പു​ത​റ​യി​ലെ കു​ടും​ബ​ത്തി​ന്‍റേ​ത് ആത്മഹത്യ ; മരിച്ച രേ​ഷ്മ ര​ണ്ട് മാ​സം ഗ​ര്‍​ഭി​ണി

ഉപ്പുതറ: ഇടുക്കി ഉപ്പുതറയിൽ ഒരു കുടുംബത്തിലെ നാല് പേർ ജീവനൊടുക്കിയ സംഭവം ആത്മഹത്യ.നാലുപേരുടേതും തൂങ്ങിമരണമെന്ന് പോസ്റ്റ്മോർട്ടം റിപ്പോർട്ട്.

കു​ട്ടി​ക​ളെ കെ​ട്ടി തൂ​ക്കി​യ ശേ​ഷം ഇ​രു​വ​രും തൂ​ങ്ങി​മ​രി​ച്ച​താ​കാ​മെ​ന്ന് വിലയിരുത്തൽ. മ​രി​ച്ച രേ​ഷ്മ ര​ണ്ട് മാ​സം ഗ​ര്‍​ഭി​ണി​യാ​യി​രു​ന്നു​വെ​ന്നും പോ​സ്റ്റ്‌​മോ​ര്‍​ട്ട​ത്തി​ല്‍ ക​ണ്ടെ​ത്തി.

ഉ​പ്പു​ത​റ ഒ​ൻ​പ​തേ​ക്ക​ർ എം.​സി. ക​വ​ല​യ്ക്കു സ​മീ​പം പ​ട്ട​ത്ത​മ്പ​ലം സ​ജീ​വ് മോ​ഹ​ന​ൻ(36), ഭാ​ര്യ രേ​ഷ്മ(25), മ​ക്ക​ളാ​യ ദേ​വ​ൻ(​അ​ഞ്ച്), ദി​യ(​നാ​ല്) എ​ന്നി​വ​രാ​ണ് തൂങ്ങി മ​രി​ച്ച​ത്.

ക​ട​ബാ​ധ്യ​ത​യെ തു​ട​ർ​ന്ന് ആ​ത്മ​ഹ​ത്യ ചെ​യ്ത​തെ​ന്നാ​ണ് പോ​ലീ​സി​ന്‍റെ പ്രാ​ഥ​മി​ക നി​ഗ​മ​നം. ഓ​ട്ടോ​റി​ക്ഷ വാ​ങ്ങി​യ വാ​യ്പ​യു​മാ​യി ബ​ന്ധ​പ്പെ​ട്ട് സ്വ​കാ​ര്യ ധ​ന​കാ​ര്യ സ്ഥാ​പ​ന​ത്തി​ന്‍റെ സ​മ്മ​ർ​ദം ഉ​ണ്ടാ​യി​രു​ന്നു​വെ​ന്ന് മ​രി​ച്ച സ​ജീ​വി​ന്‍റെ അ​ച്ഛ​ൻ ആരോപിച്ചു.ആത്മഹത്യയുമായി ബന്ധപ്പെട്ട് കുടുംബാംഗങ്ങളുടെ ആരോപണത്തിൽ ഉപ്പുതറ പൊലീസ് അന്വേഷണം തുടങ്ങി.