തിരുവനന്തപുരം: സംസ്ഥാനത്തെ 2026-ലെ എസ്.എസ്.എൽ.സി. (SSLC), ഹയർ സെക്കൻഡറി പരീക്ഷാ തീയതികൾ വിദ്യാഭ്യാസ മന്ത്രി വി. ശിവൻകുട്ടി പ്രഖ്യാപിച്ചു. എസ്.എസ്.എൽ.സി. പരീക്ഷ 2026 മാർച്ച് 5-ന് തുടങ്ങി മാർച്ച് 30 വരെ നടക്കും. (Education Minister announces SSLC, Higher Secondary exam dates for 2026)
എല്ലാ ദിവസവും രാവിലെ 9.30-നാണ് പരീക്ഷകൾ ആരംഭിക്കുക. എസ്.എസ്.എൽ.സി. ഫലപ്രഖ്യാപനം മെയ് 8-ന് ആയിരിക്കും. ഹയർ സെക്കൻഡറി ഒന്നാം വർഷ പരീക്ഷകൾ മാർച്ച് 5 മുതൽ മാർച്ച് 27 വരെ ഉച്ചയ്ക്ക് 1.30-നും, രണ്ടാം വർഷ പരീക്ഷകൾ മാർച്ച് 6 മുതൽ മാർച്ച് 28 വരെ രാവിലെ 9.30-നും നടക്കും.
സംസ്ഥാനത്ത് ആകെ 3000 പരീക്ഷാ കേന്ദ്രങ്ങളിലാണ് പരീക്ഷകൾ നടക്കുകയെന്ന് മന്ത്രി വാർത്താസമ്മേളനത്തിൽ വ്യക്തമാക്കി.