തിരുവനന്തപുരം : മുഖ്യമന്ത്രി പിണറായി വിജയന്റെ മകൻ വിവേക് കിരണിന് 2023ൽ ഇ ഡി സമൻസ് ലഭിച്ചുവെന്ന വിവരം പുറത്ത്. ഇ ഡി ഇദ്ദേഹത്തിന് സമൻസ് അയച്ചിരിക്കുന്നത് ലൈഫ് മിഷൻ കേസുമായി ബന്ധപ്പെട്ടാണ്. (ED summons to CM's son)
വിവേക് ഹാജരായില്ല എന്നാണ് വിവരം. സമൻസ് അയച്ചിരിക്കുന്നത് ക്ലിഫ്‌ഹൗസ് വിലാസത്തിലാണ്. വിഷയത്തിൽ ഇ ഡിയുടെ തുടർനടപടി ഉണ്ടായേക്കില്ല എന്നാണ് സൂചന. സമൻസിൽ പറഞ്ഞിരിക്കുന്നത് 2023ൽ ഫെബ്രുവരി 14ന് രാവിലെ പത്തരയ്ക്ക് ഇ ഡിയുടെ കൊച്ചിയിലെ ഓഫീസിൽ എത്തണം എന്നാണ്.
ലൈഫ് മിഷൻ വിവാദം കത്തിനിൽക്കുന്ന സമയമായിരുന്നു അത്. വിവേക് ഓഫീസിൽ എത്തിയില്ല. ഇയാൾക്കെതിരെ ഇ ഡി തുടർനടപടി എടുത്തതുമില്ല.