കൊല്ലം: കൊട്ടാരക്കരയിൽ എംഡിഎംഎയുമായി ഡിവൈഎഫ്‌ഐ പ്രവർത്തകൻ പിടിയിൽ. കരവാളൂർ വെഞ്ചേമ്പ് സ്വദേശി മുഹ്സിനാണ് പിടിയിലായത്.
ഇന്ന് തലച്ചിറ ജംഗ്ഷന് സമീപം കാറിൽ എത്തിയ മൂവർ സംഘം ബൈക്കിൽ സ്ഥലത്തുണ്ടായിരുന്ന മുഹ്സിന് എംഡിഎംഎ കൈമാറിയത്. പൊലീസിനെ കണ്ട് കാറിലുണ്ടായിരുന്ന 3 പേരും രക്ഷപ്പെട്ടു.
18 ഗ്രാം എംഡിഎംഎ റോഡിലേക്ക് വലിച്ചെറിഞ്ഞാണ് പ്രതികൾ രക്ഷപ്പെട്ടത്. മുഹ്സിന്റെ പക്കൽ നിന്ന് 2 ഗ്രാം എംഡിഎംഎയും പിടിച്ചെടുത്തത്. ഒളിവിൽ പോയ തൗഫീഖ്, ഫയാസ്, മിൻഹാജ് എന്നിവർക്കായി പൊലീസ് തെരച്ചിൽ വ്യാപിപ്പിച്ചു.