കൊച്ചി : കെ ജെ ഷൈനിനെതിരെയുള്ള സൈബർ ആക്രമണത്തിൽ മെറ്റയോട് നടപടികൾ വേഗത്തിലാക്കാൻ ആവശ്യപ്പെട്ട് അന്വേഷണ സംഘം. റിപ്പോർട്ട് ലഭിച്ചതിന് ശേഷമാണ് അറസ്റ്റ് ഉൾപ്പടെയുള്ള നടപടികൾ ഉണ്ടാകുന്നത്.(Cyber attack against CPM leader KJ Shine)
കേസിൽ പ്രതിയായ കോൺഗ്രസ് നേതാവ് ഗോപാലകൃഷ്ണൻ്റെ ഭാര്യയും പരാതി നൽകിയിട്ടുണ്ട്. തനിക്കെതിരെ സൈബർ ആക്രമണം നടക്കുന്നുവെന്നും, കുടുംബത്തെ വേട്ടയാടുന്നുവെന്നും ഇതിൽ പറയുന്നു.
സമൂഹ മാധ്യമങ്ങളിൽ ഫോട്ടോയടക്കം പ്രചരിപ്പിക്കുന്നുവെന്നും, ലൈംഗികാധിക്ഷേപ പരാമർശങ്ങൾ നടത്തുന്നുവെന്നും പരാതിയിലുണ്ട്. വടക്കൻ പറവൂർ പൊലീസ് സ്റ്റേഷനിലാണ് പരാതി ലഭിച്ചത്. ഇത് സൈബർ സെല്ലിന് കൈമാറി.