പടലിക്കാട്: പാലക്കാട് മരുതോട് പഞ്ചായത്തിലെ പടലിക്കാട് വാർഡിലെ തിരഞ്ഞെടുപ്പ് കമ്മിറ്റി ഓഫീസിൽ സി.പി.എം. പ്രവർത്തകനെ തൂങ്ങിമരിച്ച നിലയിൽ കണ്ടെത്തി. പടലിക്കാട് സ്വദേശിയായ ശിവൻ (40) ആണ് മരിച്ചത്. മരുതോട് പഞ്ചായത്തിലെ പടലിക്കാട് വാർഡിൽ തിരഞ്ഞെടുപ്പിനായി കെട്ടിയ സി.പി.എം. ഓഫീസിലാണ് സംഭവം.ഞായറാഴ്ച രാവിലെ ചായ കുടിച്ച ശേഷം വീട്ടിൽ നിന്ന് ഇറങ്ങിയതായിരുന്നു ശിവൻ. പിന്നീട് ഇയാളെ തിരഞ്ഞെടുപ്പ് കമ്മിറ്റി ഓഫീസിൽ മരിച്ച നിലയിൽ കണ്ടെത്തുകയായിരുന്നു.മലമ്പുഴ പോലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്.മരണകാരണം സംബന്ധിച്ച് ഇതുവരെ വ്യക്തത വന്നിട്ടില്ല.