കണ്ണൂർ: സിപിഎമ്മിന് വലിയ ഭൂരിപക്ഷമുള്ള മണ്ഡലമാണെങ്കിലും, കല്യാശേരിയിൽ കഴിഞ്ഞ ലോക്സഭാ തിരഞ്ഞെടുപ്പിലെ കണക്കുകളും മാറുന്ന രാഷ്ട്രീയ സാഹചര്യങ്ങളും യുഡിഎഫിന് ഇത്തവണ നേരിയ പ്രതീക്ഷ നൽകുന്നുണ്ട്. (CPM to protect Kalliasseri, UDF aims for the win)
നിലവിലെ എംഎൽഎ തന്നെ വീണ്ടും മത്സരിക്കുമോ അതോ യുവത്വത്തിന് പ്രാധാന്യം നൽകി മറ്റാരെയെങ്കിലും സിപിഎം കളത്തിലിറക്കുമോ എന്നതാണ് പ്രധാന ചോദ്യം. പാർട്ടി കോട്ടകളിൽ പോലും വോട്ട് ചോർച്ചയുണ്ടാകുന്നുണ്ടോ എന്ന ആശങ്ക നേതൃത്വത്തിനുണ്ട്.
കഴിഞ്ഞ ലോക്സഭാ തിരഞ്ഞെടുപ്പിൽ യുഡിഎഫ് മണ്ഡലത്തിൽ ഉണ്ടാക്കിയ വോട്ട് വർധന സിപിഎമ്മിനെ ജാഗ്രതയിലാക്കുന്നു. കോട്ടകളിൽ വിള്ളലുണ്ടാക്കാൻ കോൺഗ്രസിന് സാധിക്കുമോ എന്നാണ് ഇടത് മുന്നണി ഭയക്കുന്നത്. സംസ്ഥാന സർക്കാരിനെതിരായ ആരോപണങ്ങളും ജില്ലയിലെ പാർട്ടി പ്രവർത്തകർക്കിടയിലെ അതൃപ്തികളും വോട്ടായി മാറുമെന്നാണ് യുഡിഎഫ് കണക്കുകൂട്ടൽ.