പാലക്കാട്: വരുന്ന നിയമസഭാ തിരഞ്ഞെടുപ്പ് ലക്ഷ്യമിട്ട് പാലക്കാട് ജില്ലയിലെ സിപിഎം വിമതർ പുതിയ രാഷ്ട്രീയ പാർട്ടി രൂപീകരിക്കുന്നു. ‘ഡെമോക്രാറ്റിക് മാർക്സിസ്റ്റ് മുന്നണി’ എന്ന പേരിൽ പുതിയ സംഘടന രൂപീകരിക്കാനാണ് നീക്കം. ജില്ലയുടെ വിവിധ ഭാഗങ്ങളിൽ ചിതറിക്കിടക്കുന്ന സിപിഎം വിരുദ്ധ ചേരികളെ ഒന്നിപ്പിക്കുകയാണ് ഈ കൂട്ടായ്മയുടെ ലക്ഷ്യം.(CPM rebels to form new party in Palakkad)
കൊഴിഞ്ഞാമ്പാറ, മണ്ണാർക്കാട്, ഒറ്റപ്പാലം മേഖലകളിലെ അതൃപ്തരായ നേതാക്കളും പ്രവർത്തകരുമാണ് ഈ നീക്കത്തിന് പിന്നിൽ. വരും ദിവസങ്ങളിൽ ജില്ലയിൽ വിമത കൺവെൻഷൻ വിളിച്ചുചേർക്കും.
പാർട്ടിയുമായി അകന്നുനിൽക്കുന്ന മുതിർന്ന നേതാവ് പി.കെ. ശശിയെ തങ്ങളുടെ ഭാഗമാക്കാൻ വിമതർ ശ്രമം തുടങ്ങിയിട്ടുണ്ട്. എന്നാൽ, ഇതിനോട് ശശി ഇതുവരെ പരസ്യമായി പ്രതികരിച്ചിട്ടില്ല.
