കൊച്ചി: എറണാകുളം സൗത്ത് റെയിൽവേ സ്റ്റേഷനിലെ പ്ലാറ്റ്ഫോമുകളുടെ ഉയരം വർധിപ്പിക്കുന്ന പ്രവൃത്തികൾ ആരംഭിച്ചു. ഇതിന്റെ ഭാഗമായി ഈ മാസം 26-ാം തീയതി വരെ വിവിധ ട്രെയിൻ സർവീസുകളിൽ റെയിൽവേ നിയന്ത്രണം ഏർപ്പെടുത്തി. (Construction work at Ernakulam South Station, Restrictions on train services until March 26)
പ്ലാറ്റ്ഫോം രണ്ടിലെ നിർമ്മാണ ജോലികൾ പ്രമാണിച്ച് എറണാകുളത്ത് നിന്ന് ആരംഭിക്കുകയും അവസാനിക്കുകയും ചെയ്യുന്ന ട്രെയിനുകൾക്കാണ് പ്രധാനമായും മാറ്റം വരുത്തിയിട്ടുള്ളത്. കണ്ണൂർ ഇന്റർസിറ്റി എക്സ്പ്രസ് രാവിലെ 6 മണിക്ക് എറണാകുളത്ത് നിന്ന് പുറപ്പെടേണ്ടതാണ്. ഈ ട്രെയിൻ 26 വരെ ആലുവയിൽ നിന്നായിരിക്കും സർവീസ് ആരംഭിക്കുക, പുറപ്പെടുന്ന സമയം: 6.22 AM.
തിരുവനന്തപുരത്ത് നിന്ന് വൈകിട്ട് 5.45-ന് പുറപ്പെടുന്ന വഞ്ചിനാട് എക്സ്പ്രസ് ഈ കാലയളവിൽ കോട്ടയം വരെ മാത്രമേ സർവീസ് നടത്തുകയുള്ളൂ. എറണാകുളം-പാലക്കാട് മെമു (66610) ഉച്ചയ്ക്ക് 2.45-ന് എറണാകുളത്ത് നിന്ന് പുറപ്പെടേണ്ടതാണ്. ഈ ട്രെയിൻ ആലുവയിൽ നിന്നാകും യാത്ര ആരംഭിക്കുക. എറണാകുളം-ആലുവ ഭാഗത്ത് സർവീസ് ഉണ്ടാകില്ല. ഗുരുവായൂർ-എറണാകുളം പാസഞ്ചർ (56317) 26 വരെ ഇടപ്പള്ളിയിൽ സർവീസ് അവസാനിപ്പിക്കും.
കൊല്ലം-എറണാകുളം മെമു തൃപ്പൂണിത്തുറ വരെ മാത്രമാകും സർവീസ് നടത്തുക. എംജിആർ ചെന്നൈ-ആലപ്പുഴ ഡെയിലി എക്സ്പ്രസ് (22639) 25-ാം തീയതി വരെ അരമണിക്കൂർ വൈകിയാകും ഓടുക.
