വയനാട്: ആത്മഹത്യ ചെയ്ത കോണ്‍ഗ്രസ് പ്രവര്‍ത്തകന്‍ എന്‍.എം. വിജയന്‍റെ മരുമകള്‍ പത്മജ ജീവനൊടുക്കാന്‍ ശ്രമിച്ചു. ശനിയാഴ്ച ഉച്ചയ്ക്ക് ഒന്നോടെ പുല്‍പ്പള്ളിയിലെ വീട്ടില്‍ വച്ചായിരുന്നുകീവനൊടുക്കാൻ ശ്രമം നടന്നത്. കൈഞരമ്പ് മുറിച്ച നിലയിൽ കണ്ടെത്തിയ പത്മജയെ ബത്തേരി വിനായക ആശുപത്രിയില്‍ പ്രവേശിപ്പിച്ചിരിക്കുകയാണ്. പരിക്കുകള്‍ ഗുരുതരമല്ലെന്നാണ് ആശുപത്രി വൃത്തങ്ങള്‍ അറിയിക്കുന്നത്.
സംഭവത്തില്‍ പോലീസെത്തി മൊഴിയെടുത്തു. "കൊലയാളി കോണ്‍ഗ്രസേ, നിനക്കിതാ ഒരു ഇര കൂടി' എന്ന കുറിപ്പെഴുതി വച്ചായിരുന്നു പത്മജ ജീവനൊടുക്കാന്‍ ശ്രമിച്ചത്.