തിരുവനന്തപുരം : കോൺഗ്രസിൻ്റെ സൗമ്യ മുഖമായിരുന്നു തെന്നല ബാലകൃഷ്ണ പിള്ള. ശൂരനാട്ടെ കോൺഗ്രസ് ബൂത്ത് പ്രസിഡൻറായി ആരംഭിച്ച അദ്ദേഹം കെ പി സി സി പ്രസിഡൻ്റ് വരെയായി. നാടിൻ്റെ അഭിമാനമായി പാർലമെൻ്റിലും ശബ്ദമുയർത്തി. (Congress leader Thennala Balakrishna Pillai passes away)
പാർട്ടിക്കായി തൻ്റെ സ്വത്തുക്കൾ വിറ്റ നേതാവാണ് അദ്ദേഹം. 17 ഏക്കർ ഭൂമിയുടെ ഉടമയായിരുന്ന അദ്ദേഹത്തിന് ഒടുവിൽ ശേഷിച്ചത് 11 സെൻ്റ് ഭൂമി മാത്രമാണ്. നൂറിലധികം നിയമസഭാ സീറ്റുകളിൽ ജയിച്ച് അധികാരം പിടിച്ച സമയത്ത് അദ്ദേഹം കെ പി സി സിയുടെ നായകൻ ആയിരുന്നു. ഒരിക്കലും ഒന്നിലും പരാതിപ്പെടാതെ ത്യാഗ പൂർണമായിരുന്നു ആ ജീവിതം.
ജീവിത പാതയിൽ നിന്ന് അനശ്വരതയുടെ വഴി തിരഞ്ഞെടുക്കുമ്പോൾ അദ്ദേഹത്തിന് 95 വയസ്. വാർധക്യ സംബന്ധിതമായ അസുഖങ്ങളെത്തുടർന്ന് അദ്ദേഹം ചികിത്സയിൽ ആയിരുന്നു. 1967, 1980, 1987 വർഷങ്ങളിൽ നിയമസഭ തെരഞ്ഞെടുപ്പിൽ അടൂരിൽ നിന്ന് മത്സരിച്ചെങ്കിലും പരാജയപ്പെട്ടു.