പാലക്കാട് : ഷൊര്‍ണൂര്‍ നഗരസഭയിലെ വനിത കൗണ്‍സിലര്‍ രാജിവെച്ചു. 31- ാം വാര്‍ഡ് കൗണ്‍സിലറായ സി സന്ധ്യയാണ് രാജിവെച്ചത്. ലൈംഗികാരോപണങ്ങളില്‍ രാഹുല്‍ മാങ്കൂട്ടത്തിലിനെതിരെ കോണ്‍ഗ്രസ് നേതൃത്വം നടപടി സ്വീകരിക്കാത്തതിൽ പ്രതിഷേധിച്ചാണ് രാജി. പാലക്കാട് എം പി വി കെ ശ്രീകണ്ഠന്റെ അവഗണനയും രാജി പ്രഖ്യാപനത്തിന് കാരണമായെന്ന് റിപ്പോർട്ടുകൾ ഉണ്ട്.
അതേ സമയം യൂത്ത് കോണ്‍ഗ്രസ് ചൊവ്വന്നൂര്‍ മണ്ഡലം പ്രസിഡന്റ് സുജിത്തിനെ പൊലീസ് സ്റ്റേഷനില്‍ വെച്ച് മര്‍ദിച്ച സംഭവത്തിൽ രാഹുല്‍ മാങ്കൂട്ടത്തില്‍ പ്രതികരണവുമായി എത്തി. പ്രസ്ഥാനത്തിനും ഈ നാടിനും വേണ്ടി നിരവധി യൂത്ത് കോണ്‍ഗ്രസ് പ്രവര്‍ത്തകരാണ് ഇടക്കാലയളവില്‍ പൊലീസിന്റെ ക്രൂരമര്‍ദ്ദനത്തിന് ഇരയാവുന്നത് എന്ന് രാഹുല്‍ പറഞ്ഞു.