തിരുവനന്തപുരം: നെടുമങ്ങാട് ജില്ലാ ആശുപത്രി കെട്ടിടത്തിന്റെ കോൺക്രീറ്റ് പാളി അടർന്ന് വീണ് രോഗിയുടെ ബന്ധുവിന് പരിക്ക്. ശാന്തിഗിരി സ്വദേശി നൗഫിയ നൗഷാദിന് (21) ആണ് പരിക്കേറ്റത്.
ബന്ധുവിനെ പിഎംആർ ഒപിയിൽ ഡോക്ടറെ കാണിക്കാൻ ഇരിക്കുന്നതിനിടെയാണ് അപകടം ഉണ്ടായത്. നൗഫിയയുടെ ഇടത് കയ്യിലും മുതുകിലും പാളികൾ അടർന്ന് വീണു.അപകടത്തിന് പിന്നാലെ പിഎംആർ ഒപി ഇവിടെ നിന്ന് സ്കിൻ ഒപിയിലേക്ക് മാറ്റി.