ആലപ്പുഴ കളര്കോട് അഞ്ചുപേരുടെ മരണത്തിനിടയാക്കിയ കാർ അപകടത്തിൽ വാഹനം ഓടിച്ച മെഡിക്കല് വിദ്യാര്ത്ഥി ഗൗരി ശങ്കറിനെ പ്രതി ചേര്ത്തു. കെഎസ്ആര്ടിസി ഡ്രൈവറെ പ്രതിപ്പട്ടികയില് നിന്ന് ഒഴിവാക്കുകയും ചെയ്തിട്ടുണ്ട്. വിദ്യാര്ത്ഥികള് ഈ കാര് വാടകയ്ക്ക് എടുത്തത് തന്നെയാണെന്ന് സ്ഥിരീകരിച്ചു. അപകടത്തില് ഗുരുതരമായി പരുക്കേറ്റ ആല്വിന് ഇപ്പോഴും വെന്റിലേറ്ററിലാണ്. മറ്റ് നാലുപേരുടെ നില മെച്ചപ്പെട്ടുവരികയാണെന്ന് ഡോക്ടേഴ്സ് അറിയിച്ചു.
ആലപ്പുഴ മെഡിക്കല് കോളജിലെ 5 എംബിബിഎസ് ഒന്നാം വിദ്യാര്ത്ഥികളാണ് അപകടത്തിൽ മരിച്ചത്. അപകടം നടക്കുമ്പോള് വാഹനത്തില് കാറില് 11 പേരാണ് ഉണ്ടായിരുന്നത്. ശക്തമായ മഴ കാരണമാണ് സിനിമയ്ക്ക് പോകാനായി വിദ്യാര്ത്ഥികള് കാര് വാടകയ്ക്കെടുത്തത്.