തിരുവനന്തപുരം : കേരള സർവ്വകലാശാലയിലെ പോര് മറ്റൊരു തലത്തിലേക്ക് കടക്കുകയാണ്. വി സി മോഹനൻ കുന്നുമ്മൽ വിളിച്ച ഓൺലൈൻ യോഗം ആകെ അലങ്കോലമായി. പി എം ഉഷ പദ്ധതിയുടെ നടത്തിപ്പ് യോഗത്തിൽ വാക്കുതർക്കം ഉണ്ടാവുകയായിരുന്നു. (Clash in Kerala University)
ഇടത് സിൻഡിക്കേറ്റ് അംഗങ്ങളും വി സിയും തമ്മിലുള്ള നാടകീയ രംഗങ്ങളാണ് ഇവിടെ അരങ്ങേറിയത്. മുരളീധരൻ മാത്രമായിരുന്നു യോഗത്തിൽ പങ്കെടുക്കേണ്ടിയിരുന്നത്.
എന്നാൽ, സസ്‌പെൻഷനിൽ ഉള്ള കെ എസ് അനിൽ കുമാറും നാല് സിൻഡിക്കേറ്റ് അംഗങ്ങളും ഇതിനായി എത്തി. കമ്മിറ്റിയിൽ ഇല്ലാത്തവർ പുറത്തുപോകണമെന്ന് ആവശ്യപ്പെട്ടതോടെ വാക്കുതർക്കം ഉണ്ടായി. പിന്നാലെ യോഗം പിരിച്ചു വിടുകയായിരുന്നു.