തിരുവനന്തപുരം: തന്നെ കേരള സർവ്വകലാശാലയിലെ രജിസ്ട്രാർ പദവിയിൽ നിന്നും ഒഴിവാക്കണമെന്ന് ആവശ്യപ്പെട്ട് മിനി സി കാപ്പൻ. ഇക്കാര്യം ചൂണ്ടിക്കാട്ടി അവർ വി സിക്ക് കത്തയച്ചു. (Clash in Kerala University)
വിവാദങ്ങൾക്ക് താൽപര്യമില്ല എന്നും, പദവി ഏറ്റെടുക്കാൻ താൽപര്യമില്ല എന്നും അവർ വ്യക്തമാക്കി. കഴിഞ്ഞ ദിവസമാണ് മിനി സി കാപ്പന് രജിസ്ട്രാറുടെ ചുമതല നൽകിക്കൊണ്ട് വി സി ഉത്തരവിറക്കിയത്.
കേരള സർവ്വകലാശാലയിൽ വി സി-രജിസ്ട്രാർ പോര് കടുക്കുകയാണ്. വി സിയുടെ എതിർപ്പ് കാറ്റിൽപ്പറത്തിയാണ് അനിൽകുമാർ സർവകലാശാലയിൽ എത്തിയത്.