ക്രിസ്മസ് - പുതുവത്സര സീസൺ: വിമാന ടിക്കറ്റ് നിരക്ക് കുതിച്ചുയരുന്നു, മലയാളികൾക്ക് കനത്ത തിരിച്ചടി | Christmas

സീസണിലെ വർദ്ധിച്ച ഡിമാൻഡാണ് ഇതിനുള്ള കാരണം
ക്രിസ്മസ് - പുതുവത്സര സീസൺ: വിമാന ടിക്കറ്റ് നിരക്ക് കുതിച്ചുയരുന്നു, മലയാളികൾക്ക് കനത്ത തിരിച്ചടി | Christmas

തിരുവനന്തപുരം: ക്രിസ്മസ്-പുതുവത്സര അവധിക്കാലം പ്രമാണിച്ച് കേരളത്തിലേക്കുള്ള വിമാന ടിക്കറ്റ് നിരക്ക് കുത്തനെ വർധിച്ചത് മലയാളികൾക്ക് കനത്ത തിരിച്ചടിയായി. വരും ദിവസങ്ങളിൽ നിരക്ക് ഇനിയും ഉയരാൻ സാധ്യതയുണ്ട്. പ്രധാന നഗരങ്ങളിൽ നിന്നുള്ള നിലവിലെ നിരക്കുകൾ അനുസരിച്ച്, ഡൽഹിയിൽ നിന്ന് തിരുവനന്തപുരത്തേക്ക് ടിക്കറ്റിന് 16,000 രൂപ വരെയായി ഉയർന്നു. കോഴിക്കോട്ടേക്കുള്ള ടിക്കറ്റിന്റെ നിരക്ക് പതിനായിരം രൂപ കടന്നു, അതേസമയം കൊച്ചിയിലേക്കുള്ള ടിക്കറ്റിന് 12,000 രൂപയിലേറെ നൽകേണ്ടി വരും.(Christmas - New Year season, Flight ticket prices soar)

മുംബൈയിൽ നിന്ന് തിരുവനന്തപുരത്തേക്കുള്ള ടിക്കറ്റിന് 9,000 രൂപ മുതൽ 16,500 രൂപ വരെയും, കോഴിക്കോട്ടേക്ക് 8,000 രൂപ മുതൽ 12,000 രൂപ വരെയും നിരക്ക് ഈടാക്കുന്നുണ്ട്. കൊച്ചിയിലേക്ക് 17,500 രൂപ വരെയായി നിരക്ക് വർധിച്ചിട്ടുണ്ട്. കൂടാതെ, ബെംഗളൂരുവിൽ നിന്ന് തിരുവനന്തപുരത്തേക്കുള്ള ടിക്കറ്റ് നിരക്ക് 10,000 രൂപയായി ഉയർന്നു.

സീസണിലെ വർദ്ധിച്ച ഡിമാൻഡാണ് ടിക്കറ്റ് നിരക്കുകൾ കുതിച്ചുയരാനുള്ള പ്രധാന കാരണം.

Related Stories

No stories found.
Times Kerala
timeskerala.com