തിരുവനന്തപുരം : മുഖ്യമന്ത്രി പിണറായി വിജയന്റെ ഗൾഫ് രാജ്യങ്ങളിലേക്കുള്ള സന്ദർശനം ഇന്ന് ആരംഭിക്കും. അദ്ദേഹം ബഹ്റൈൻ, ഒമാൻ, ഖത്തര്‍, യുഎഇ എന്നിവിടങ്ങൾ സന്ദർശിക്കും. അതേസമയം, കേന്ദ്ര വിദേശകാര്യ മന്ത്രാലയം പിണറായിയുടെ സൗദി സന്ദര്‍ശനത്തിന് അനുമതി നിഷേധിച്ചിട്ടുണ്ട്. (Centre clears Kerala CM’s Gulf tour covering UAE, Qatar, Oman and Bahrain)
വൈകുനേരം യാത്ര തിരിക്കുന്ന പിണറായിക്കൊപ്പം മന്ത്രി സജി ചെറിയാനും പേഴ്സണൽ അസിസ്റ്റന്റ് വിഎം സുനീഷിനും ഔദ്യോഗിക അനുമതി ലഭിച്ചിട്ടുണ്ട്. ഡിസംബര്‍ ഒന്ന് വരെ വിവിധ തീയതികളിൽ യാത്ര ചെയ്യാനാണ് തീരുമാനം.
നേരത്തെ, ഗൾഫ് പര്യടനത്തിന് അനുമതി നിഷേധിച്ചുകൊണ്ട് സംസ്ഥാന സർക്കാരിന് കേന്ദ്രത്തിൽ നിന്ന് ഒരു അറിയിപ്പ് ലഭിച്ചിരുന്നു. സംസ്ഥാനം സമർപ്പിച്ച പുതിയ അപേക്ഷയെ തുടർന്നാണ് ഇപ്പോഴത്തെ അനുമതി ലഭിച്ചത്. മുഖ്യമന്ത്രിക്ക് ഇപ്പോൾ ഘട്ടം ഘട്ടമായി ഗൾഫ് രാജ്യങ്ങൾ സന്ദർശിക്കാൻ അധികാരം നൽകിയിട്ടുണ്ട്.