തിരുവനന്തപുരം: വഞ്ചിയൂരില് ജൂനിയർ അഭിഭാഷകയെ ക്രൂരമായി മർദ്ദിച്ച സംഭവത്തിൽ പ്രതിയായ സീനിയർ അഭിഭാഷകൻ ബെയ്ലിൻ ദാസ് പിടിയില്. തിരുവനന്തപുരം സ്റ്റേഷൻ കടവിൽ നിന്നാണ് ഇയാളെ പൊലീസ് പിടികൂടിയത്.
കാറിൽ സഞ്ചരിക്കുന്നതിനിടെ ബെയ്ലിൻ ദാസിനെ തുമ്പ പൊലീസ് കസ്റ്റഡിയിലെടുത്തത്. ജാമ്യമില്ലാ വകുപ്പ് പ്രകാരം ബെയ്ലിൻ ദാസിനെതിരെ കേസെടുത്തിരുന്നു. മൊബെെൽ ഫോൺ അടക്കം കേന്ദ്രീകരിച്ച് നേരത്തെ പൊലീസ് അന്വേഷണവും നടന്നിരുന്നു.
ബെയ്ലിന് ദാസിനെ ബാര് അസോസിയേഷനില് നിന്നും സസ്പെന്ഡ് ചെയ്തിട്ടുണ്ട്. സ്ത്രീത്വത്തെ അപമാനിക്കല്, ശാരീരിക ഉപദ്രവം തുടങ്ങിയ വകുപ്പുകള് ചുമത്തിയാണ് കേസെടുത്തത്.
അതെ സമയം മുൻകൂർ ജാമ്യാപേക്ഷയ്ക്ക് ശ്രമിക്കുന്നതിനിടെയാണ് പ്രതി പിടിയിലാകുന്നത്.