തിരുവനന്തപുരം : തലസ്ഥാനത്ത് ജനറൽ ആശുപത്രിക്ക് സമീപം നിയന്ത്രണം വിട്ട കാർ ഫുട്പാത്തിലും ഓട്ടോറിക്ഷയിലും ഇടിച്ച് ഉണ്ടായ അപകടത്തിൽ പരിക്കേറ്റ നാലു പേരും ഗുരുതരാവസ്ഥയിൽ തുടരുന്നു. ഇവർ വെൻ്റിലേറ്ററിലാണ്.(Car accident in Trivandrum)
വഴിയാത്രക്കാരായ ശ്രീപ്രീയ, ആഞ്ജനേയൻ, ഓട്ടോ ഡ്രൈവര്‍മാരായ ഷാഫി, സുരേന്ദ്രൻ എന്നിവർക്കാണ് പരിക്കേറ്റത്. ഇന്നലെ രാത്രിയിൽ ഷാഫിക്ക് മെഡിക്കൽ കോളേജിൽ അടിയന്തര ശസ്ത്രക്രിയ നടത്തിയിരുന്നു.
വിഷ്ണുനാഥ് എന്ന യുവാവ് ഡ്രൈവിംഗ് പരിശീലനം നടത്തുന്നതിനിടെയാണ് അപകടം ഉണ്ടായത്. ബ്രേക്കിന് പകരം ഇയാൾ ആക്സിലേറ്റർ ആണ് ചവിട്ടിയത്. സംഭവത്തിൽ പോലീസ് കേസ് എടുത്തിട്ടുണ്ട്.