പാലക്കാട്: ജില്ലയിലെ കനറാ ബാങ്ക് റിട്ടയേഴ്സ് ഓഫീസേഴ്സ് അസോസിയേഷന്റെ (CBROA) ആഭിമുഖ്യത്തിൽ സംഘടിപ്പിച്ച കുടുംബസംഗമം കല്യാൺ ടൂറിസ്റ്റ് ഹോമിൽ വെച്ച് നടന്നു. അസോസിയേഷൻ അംഗങ്ങളുടെയും കുടുംബാംഗങ്ങളുടെയും സജീവ പങ്കാളിത്തം കൊണ്ട് ചടങ്ങ് ശ്രദ്ധേയമായി. അസോസിയേഷൻ ജില്ലാ സെക്രട്ടറി ശ്രീ. കെ.വി. മോഹനൻ ചടങ്ങിൽ പങ്കെടുത്ത ഏവർക്കും സ്വാഗതം ആശംസിച്ചു.
അദ്ധ്യക്ഷൻ: ശ്രീ. കൃഷ്ണ രഞ്ചൻ ചടങ്ങിൽ അദ്ധ്യക്ഷത വഹിച്ചു. അസോസിയേഷനിലെ മുതിർന്ന അംഗമായ ശ്രീ. പി.ജി. അയ്യർ ചടങ്ങിലെ മുഖ്യാതിഥിയായിരുന്നു. ബാങ്കിംഗ് രംഗത്തെ വിവിധ സംഘടനകളെ പ്രതിനിധീകരിച്ച് ശ്രീ. ധനേഷ് പദ്മനാഭൻ (റീജിയണൽ സെക്രട്ടറി, CBOA), ശ്രീ. ഉണ്ണികൃഷ്ണൻ (റീജിയണൽ സെക്രട്ടറി, CBROA), ശ്രീ. പഴണിമല ഇ. (AIBPARC) തുടങ്ങിയവർ ചടങ്ങിൽ സംസാരിച്ചു. ചടങ്ങിന് ശ്രീ. സുരേഷ് നന്ദി രേഖപ്പെടുത്തി. വിരമിച്ച ഉദ്യോഗസ്ഥരുടെ ക്ഷേമപ്രവർത്തനങ്ങളെക്കുറിച്ചും വരുംകാല പദ്ധതികളെക്കുറിച്ചും ചടങ്ങിൽ ചർച്ചകൾ നടന്നു. കുടുംബാംഗങ്ങൾക്കായി വിവിധ കലാപരിപാടികളും സംഗമത്തിന്റെ ഭാഗമായി ഒരുക്കിയിരുന്നു.