തിരുവനന്തപുരം: തദ്ദേശ തിരഞ്ഞെടുപ്പിന്റെ ആദ്യഘട്ട വോട്ടെടുപ്പ് നടക്കുന്ന ഏഴ് ജില്ലകളില് പരസ്യപ്രചാരണം അവസാനിച്ചു.ഇനി നിശബ്ദപ്രചാരണത്തിന്റെ മണിക്കൂറുകളാണ്. ആദ്യഘട്ടത്തിൽ വോട്ടെടുപ്പ് നടക്കുന്ന ഏഴു ജില്ലകളിലെ പരസ്യപ്രചാരണമാണ്കലാശക്കൊട്ടോടെ വൈകിട്ട് ആറിന് സമാപിച്ചത്. തിരുവനന്തപുരം മുതൽ എറണാകുളം വരെയുള്ള ഏഴ് ജില്ലകളിൽ മറ്റന്നാളാണ് വിധിയെഴുത്ത്.
ഡിസംബര് ഒന്പത് ചൊവ്വാഴ്ച ഏഴുജില്ലകള് പോളിങ് ബൂത്തിലെത്തും. ഒന്പതാം തീയതി രാവിലെ ഏഴുമണി മുതല് വൈകീട്ട് ആറുവരെയാണ് വോട്ടെടുപ്പ്.കലാശക്കൊട്ട് ദിവസം റോഡ് ഷോകളും ബൈക്ക് റാലികളുമൊക്കെയായി മുന്നണികള് നഗര-ഗ്രാമവീഥികളിൽ സജീവമായിരുന്നു. കൊട്ടിക്കലാശം നടന്ന ജില്ലകളുടെ മുക്കിലും മൂലയിലും വരെ വലിയ ആവേശ പ്രകടനമാണ് നടന്നത്.
പരസ്യപ്രചാരണത്തിന് പരമാവധി ആവേശം നിറയ്ക്കാന് രാഷ്ട്രീയ പാര്ട്ടികള്ക്കും മുന്നണികള്ക്കും സാധിച്ചുവെന്നാണ് വിലയിരുത്തല്. 20 ദിവസം നീണ്ടുനിന്ന പ്രചാരണത്തിനാണ് ഇന്ന് വൈകുന്നേരം ആറ് മണിയോടെ തിരശ്ശീല വീണത്.സംഘര്ഷം ഒഴിവാക്കുന്നതിനായി വിവിധ സ്ഥലങ്ങളില് പൊലീസിനെ നിയോഗിച്ചിരുന്നു.
രണ്ടാംഘട്ടത്തില് ഡിസംബര് 11-ന് തൃശ്ശൂര് മുതല് കാസര്കോട് വരെയുള്ള ജില്ലകളില് വോട്ടെടുപ്പ് നടക്കും. ഇതിനുശേഷം ഡിസംബര് 13-നാണ് വോട്ടെണ്ണല്. ആദ്യഘട്ട വോട്ടെടുപ്പ് നടക്കുന്ന ജില്ലകളില് തിങ്കളാഴ്ച രാവിലെ മുതല് പോളിങ് സാമഗ്രികളുടെ വിതരണം ആരംഭിക്കും.