കോഴിക്കോട്: വടകര ദേശീയപാതയില്‍ ബസും ലോറിയും കൂട്ടിയിടിച്ച് അപകടം. കെ.ടി ബസാറില്‍ ഇന്‍ഡസ് മോട്ടോഴ്‌സിന് സമീപം സ്വകാര്യ ബസും ലോറിയും കൂട്ടിയിടിച്ച് അപകടം ഉണ്ടായത്. സംഭവത്തിൽ 16 ഓളം പേര്‍ക്ക് പരിക്കേറ്റു.
കണ്ണൂര്‍ ഭാഗത്തേക്ക് പോവുകയായിരുന്ന സ്വകാര്യ ബസും കണ്ണൂര്‍ ഭാഗത്ത് നിന്നും വരികയായിരുന്ന കണ്ടെയ്‌നര്‍ ലോറിയുമാണ് അപകടത്തില്‍പ്പെട്ടത്.
വൈകീട്ട് 4:45 ഓടെയാണ് അപകടം നടന്നത്. പരിക്കേറ്റവരെ വടകര പാര്‍ക്കോ ആശുപത്രിയില്‍ പ്രവേശിപ്പിച്ചു.