കൊല്ലം: പൂരിപ്പിച്ച എസ്ഐആര് ഫോം വാങ്ങാനെത്തിയ ബിഎല്ഒയെ ഗൃഹനാഥൻ മര്ദിച്ചു. നെട്ടയം സ്വദേശിയായ അജയനെതിരെയാണ് ബിഎൽഒ പൂയപ്പള്ളി പോലീസിൽ പരാതി നൽകിയത്.
കൊല്ലം ചടയമംഗലം നിയമസഭ മണ്ഡലത്തിലെ 23-ാം നമ്പര് ബൂത്ത് ബിഎല്ഒ ആദര്ശാണ് മർദനമേറ്റതായി പരാതി നൽകിയത്. പുനലൂര് പിഡബ്യുഡി ഓഫീസിലെ സീനിയര് ക്ലര്ക്കാണ് ആദർശ്.
അജയന്റെ വീട്ടില് ഏഴ് തവണ എത്തിയിട്ടും ഫോം പൂരിപ്പിച്ച് നല്കാന് തയാറായില്ലെന്ന് ആദർശ് പറയുന്നു. ഇന്ന് ഫോം ചോദിച്ചപ്പോൾ പ്രകോപിതനായ അജയൻ ആദ്യം അസഭ്യവര്ഷം നടത്തിയ ശേഷം അക്രമിക്കുകയായിരുന്നു.