തൃശൂർ: ചെറുതുരുത്തി വെട്ടിക്കാട്ടിരി കഫേ മെക്കാനി ഹോട്ടലിന് സമീപം റോഡ് മുറിച്ചു കടക്കുകയായിരുന്ന ചേലക്കര സ്വദേശിയായ യുവതിയെയാണ് ബൈക്ക് ഇടിച്ചുതെറിപ്പിച്ചത്. തൃശ്ശൂർ ഭാഗത്തുനിന്ന് ചെറുതുരുത്തിയിലേക്ക് പോകുകയായിരുന്നു മുള്ളൂർക്കര വണ്ടിപ്പറമ്പിൽ വീട്ടിൽ മണികണ്ഠൻ ഒട്ടിച്ച ബൈക്കാണ് യുവതിയെ ഇടിച്ചു തെറിപ്പിച്ചത്. (Bike Accident)
ബുധനാഴ്ച രാത്രി 10 മണിയോട് കൂടിയാണ് സംഭവം നടക്കുന്നത്. അപകടത്തിൽപ്പെട്ട യുവതിക്കും ബൈക്ക് യാത്രികനായ മണികണ്ഠനും ഗുരുതരമായി പരിക്കേറ്റു. ഇരുവരേയും ഉടൻ തന്നെ ഓട്ടുപാറ ജനറൽ ആശുപത്രിയിൽ പ്രവേശിപ്പിച്ചു. പ്രാഥമിക ചികിത്സയ്ക്ക് ശേഷം ഇരുവരേയും തൃശ്ശൂർ മെഡിക്കൽ കോളേജ് ആശുപത്രിയിലേക്ക് മാറ്റി.