ബിഗ് ബോസ് മലയാളം സീസൺ ഏഴിൽ വൈൽഡ് കാർഡ് എൻട്രിയായി വീട്ടിലെത്തിയ മത്സരാർത്ഥിയാണ് നടൻ ജിഷിൻ മോഹൻ. തുടക്കത്തിൽ പ്രേക്ഷക പിന്തുണ കുറവായിരുന്നെങ്കിലും പിന്നീട് പ്രേക്ഷകരുടെയും സഹ മത്സരാർത്ഥികളുടെയും ഇഷ്‌ടം നേടിയെടുക്കാൻ താരത്തിന് കഴിഞ്ഞിട്ടുണ്ട്.
ജിഷിൻ ബിഗ് ബോസിൽ മത്സരാർത്ഥിയായി എത്തിയതിനെക്കുറിച്ച് സംസാരിക്കുകയാണ് അമേയ നായർ. സീരിയൽ ടു‍ഡേയുമായുള്ള അഭിമുഖത്തിലാണ് നടി മനസ് തുറന്നത്. ബിഗ് ബോസിൽ പോകുന്നതിന് രണ്ട് മൂന്ന് ദിവസം മുമ്പ് ജിഷിൻ സാമ്പത്തിക പ്രശ്നത്തിലായിരുന്നുവെന്നാണ് അമേയ പറയുന്നത്.
"ബിഗ് ബോസിലേക്ക് വിളിക്കുമെന്ന് കരുതി . പക്ഷേ വിളിച്ചില്ല. ഇതിനായി മറ്റ് എല്ലാ വർക്കും നിർത്തി വച്ചു. പക്ഷേ വിളിച്ചില്ല. പിന്നീട് ഒരു മാസം കഴിഞ്ഞാണ് വിളിച്ചത്. ഞങ്ങൾക്ക് രണ്ട് പേർക്കും ജോലി ഉണ്ടായിരുന്നില്ല. സാമ്പത്തികമായി ഡൗൺ ആയി. ബിഗ് ബോസിലേക്ക് പോകുന്നതിനു മുൻപ് ഫണ്ടെല്ലാം തീർന്നു. പുള്ളിക്ക് ആകെ ഭ്രാന്തായി. എന്നാൽ രണ്ട് ദിവസം കഴിഞ്ഞ് ബിഗ് ബോസിലേക്ക് വൈൽഡ് കാർഡ് എൻട്രിയായി ജിഷിന് അവസരം ലഭിച്ചു." - അമേയ പറയുന്നു.
"മരണം വരെ ജിഷിനും അമേയയും ഒരുമിച്ച് തന്നെയായിരിക്കും. അതിലൊരു മാറ്റവും ഇല്ല. താൻ ജീവിതത്തിലേക്ക് വന്ന ശേഷം ജിഷിന്റെ സ്വഭാവത്തിൽ നല്ല മാറ്റമുണ്ടെെന്ന് എല്ലാവരും പറയാറുണ്ട്." - അമേയ നായർ പറയുന്നു.