ഭാരതാംബ വിവാദം: ര​ജി​സ്ട്രാ​ർക്ക് സസ്‌പെൻഷൻ നൽകിയ സംഭവത്തിൽ രാജ്ഭവൻ മാർച്ചിന് ആഹ്വനം ചെയ്ത് എസ്.എഫ്.ഐ | Bharatamba controversy

തി​രു​വ​ന​ന്ത​പു​രം: ഭാ​ര​താം​ബ വിവാദത്തിൽ കേ​ര​ള യൂ​ണി​വേ​ഴ്സി​റ്റി ര​ജി​സ്ട്രാ​ർക്ക് സസ്‌പെൻഷൻ നൽകിയ സംഭവത്തിൽ എസ്.എഫ്.ഐ രാജ്ഭവൻ മാർച്ചിന് ആഹ്വാനം ചെയ്തു(Bharatamba controversy). ഇന്ന് വൈകുന്നേരമാണ് കേ​ര​ള യൂ​ണി​വേ​ഴ്സി​റ്റി ര​ജി​സ്ട്രാ​ർ അ​നി​ൽ​കു​മാറിനെ സർവകലാശാല വൈസ് ചാൻസിലർ സസ്‌പെൻഡ് ചെയ്തത്. പകരം ചുമതല ജോയിന്റ് രജിസ്ട്രാർ പി ഹരികുമാറിന് നൽകുകയും ചെയ്തു.

സർവകലാശാല സെനറ്റ് ഹാളിൽ സഘടിപ്പിച്ച പ​ത്മ​നാ​ഭ സേ​വാ​സ​മി​തിയുടെ പു​സ്ത​ക പ്ര​കാ​ശ​ന​ച്ച​ട​ങ്ങി​ൽ ഗവർണർ ഭാ​ര​താം​ബ​യു​ടെ ചി​ത്രത്തിന് മുന്നിൽ പുഷ്പാർച്ചന നടത്തിയത് വിവാദമായിരുന്നു.

ചടങ്ങിന് രജിസ്ട്രാർ അനുമതി നിഷേധിച്ചതായും ഗവർണറെ അപമാനിച്ചെന്നും കാട്ടിയാണ് സസ്‌പെൻഡ് ചെയ്തതെന്നാണ് പുറത്തു വരുന്ന വിവരം. സംഭവത്തിൽ രജിസ്ട്രാർക്ക് പിന്തുണ പ്രഖ്യാപിച്ചാണ് എസ്.എഫ്.ഐ രാജ്ഭവൻ മാർച്ചിന് ആഹ്വാനം ചെയ്തത്.