വയനാട്: ബാണാസുരസാഗര്‍ അണക്കെട്ടിന്‍റെ ഷട്ടറുകൾ വീണ്ടും ഉയർത്തും(Banasura Sagar Dam). വ്യഷ്ടിപ്രദേശത്ത് ശക്തമായ മഴ തുടരുന്നതിനാൽ ഡാമിലെ ജലനിരപ്പ് ക്രമീകരിക്കുന്നതിന്റെ ഭാഗമായാണ് നടപടി.
അണക്കെട്ടിന്‍റെ സ്‌പിൽവെ ഷട്ടർ 80 സെൻ്റീ മീറ്ററായി ഉയർത്താനാണ് തീരുമാനിച്ചിരിക്കുന്നത്. ഇന്ന് രാവിലെ 10 മണിയോടെ ഉയർത്തുമെന്നാണ് അറിയിച്ചിരിക്കുന്നത്.
ഇതേതുടർന്ന് അണക്കെട്ടിന്‍റെ താഴെയുള്ള പനമരം, കരമാൻ തോട് പ്രദേശങ്ങളിലെ ജനങ്ങൾ ജാഗ്രത പാലിക്കണമെന്ന് എക്സിക്യൂട്ടീവ് എഞ്ചിനീയർ അറിയിച്ചു.