കണ്ണൂർ : മുണ്ടേരിയിൽ പിന്നോട്ടു ഉരുണ്ടു നീങ്ങിയ ഓട്ടോറിക്ഷ പിടിച്ചു നിർത്താൻ ശ്രമിക്കുന്നതിടെ കാലിടറി തലയിടിച്ച് വീണ് ഡ്രൈവർക്ക് ദാരുണാന്ത്യം. വലിയന്നൂർ റോഡിൽ മുണ്ടേരി ചിറക്ക് സമീപം താമസിക്കുന്ന പണ്ടാരവളപ്പിൽ എ.പി.സുലൈമാൻ (62) ആണ് മരണപ്പെട്ടത്. ഏച്ചൂർ വട്ടപ്പൊയിൽ സ്വദേശിയാണ് ഇദ്ദേഹം.
വ്യാഴാഴ്ച വൈകിട്ട് മുണ്ടേരി ചിറയ്ക്കു സമീപത്തെ വീടിനു മുന്നിലായിരുന്നു അപകടം നടന്നത്. ഓട്ടോ നിർത്തി ഗെയ്റ്റ് തുറക്കുന്നതിനായി പുറത്തിറങ്ങിയതായിരുന്നു. ഈ സമയം ഓട്ടോ പിന്നോട്ട് ഉരുണ്ടു നീങ്ങി. ഓടിയെത്തി പിടിച്ച് നിർത്താൻ ശ്രമിക്കവെ കാലിടറി തലയിടിച്ച് വീഴുകയായിരുന്നു. ചാലയിലെ സ്വകാര്യ ആശുപത്രിയിൽ എത്തിച്ചെങ്കിലും വെള്ളിയാഴ്ച പുലർച്ചയോടെ മരിച്ചു.