മലപ്പുറം: പെരിന്തൽമണ്ണയിൽ അനധികൃതമായി കടത്താൻ ശ്രമിച്ച 40 ലക്ഷം രൂപയുമായി മൂന്ന് പേരെ പോലീസ് പിടികൂടി. മുഹമ്മദ് ഷരീഫ്, അനസ് മുഹമ്മദ്, മുഹമ്മദ് മഹ്ഷൂദ് എന്നീ മലപ്പുറം ചട്ടിപ്പറമ്പ് സ്വദേശികളാണ് പിടിയിലായത്. ഒരു മിനി ബസ്സിൽ രഹസ്യമായി ഒളിപ്പിച്ച നിലയിലായിരുന്നു പണം കണ്ടെത്തിയത്.(Attempt to smuggle Rs. 40 lakhs illegally, 3 Malappuram natives arrested)
തമിഴ്നാട്ടിൽ നിന്നാണ് പണം കൊണ്ടുവന്നതെന്ന് പിടിയിലായവർ പോലീസിനോട് സമ്മതിച്ചു. മിനി ബസ്സിനുള്ളിൽ പ്രത്യേകം തയ്യാറാക്കിയ ഇടങ്ങളിലാണ് പണം സൂക്ഷിച്ചിരുന്നത്. ബിസിനസ് ആവശ്യങ്ങൾക്കായി കൊണ്ടുവന്ന പണമാണിതെന്നാണ് പ്രതികൾ അവകാശപ്പെട്ടത്. എന്നാൽ ഇതിന് ആവശ്യമായ രേഖകളൊന്നും ഹാജരാക്കാൻ ഇവർക്ക് സാധിച്ചില്ല.
പിടിച്ചെടുത്തത് രേഖകളില്ലാത്ത കുഴൽപ്പണമാണെന്നും മലപ്പുറം ജില്ലയുടെ വിവിധ ഭാഗങ്ങളിൽ വിതരണം ചെയ്യുന്നതിനായി എത്തിച്ചതാണെന്നും പോലീസ് അന്വേഷണത്തിൽ വ്യക്തമായി.