തിരുവനന്തപുരം : കൊല്ലം സ്വദേശി അതുല്യ ഷാർജയിൽ ദുരൂഹ സാഹചര്യത്തിൽ മരിച്ച സംഭവത്തിൽ ഭർത്താവ് സതീഷിനെ തിരുവനന്തപുരം വിമാനത്താവളത്തിൽ നിന്ന് അറസ്റ്റ് ചെയ്തിരുന്നു. കൊല്ലം സെഷൻസ് കോടതി ഇയാൾക്ക് ഇടക്കാല ജാമ്യം അനുവദിച്ചു. ഇയാൾക്ക് ലഭിച്ചിരിക്കുന്നത് രണ്ടു ലക്ഷം രൂപയുടെ രണ്ടാൾ ജാമ്യമാണ്. (Athulya death case accused caught in Trivandrum Airport)
ഇയാളെ തിരുവനന്തപുരം വിമാനത്താവളത്തിൽ വച്ച് എമിഗ്രേഷൻ വിഭാഗം കസ്റ്റഡിയിൽ എടുക്കുകയായിരുന്നു. കൊല്ലത്ത് പോലീസ് ഇയാൾക്കെതിരെ കേസ് രജിസ്റ്റർ ചെയ്തിരുന്നു.
ഈ കേസിലാണ് പ്രതിയെ കസ്റ്റഡിയിൽ എടുത്തത്. ഷാർജയിൽ നിന്നും തിരുവനന്തപുരത്ത് എത്തിയ ഇയാളെ കസ്റ്റഡിയിൽ എടുത്ത് വലിയതുറ പൊലീസിന് കൈമാറുകയും ചെയ്തിരുന്നു..