ചെന്നൈ: ടൊവിനോ തോമസ്, ബേസിൽ ജോസഫ്, വിനീത് ശ്രീനിവാസൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ അരുൺ അനിരുദ്ധൻ സംവിധാനം ചെയ്ത സൂപ്പർഹിറ്റ് മൾട്ടിസ്റ്റാർ ചിത്രം ‘അതിരടി’യുടെ തമിഴ് പതിപ്പ് ലോഞ്ച് ചെന്നൈയിൽ വെച്ച് നടന്നു (Athiradi movie box office collection day 1). ചെന്നൈയിൽ നടന്ന പ്രൗഢഗംഭീരമായ ചടങ്ങിൽ മലയാളി ക്രിക്കറ്റ് താരം സഞ്ജു സാംസൺ ആണ് ചിത്രത്തിന്റെ തമിഴ് പതിപ്പിന്റെ ഔദ്യോഗിക ലോഞ്ച് നിർവ്വഹിച്ചത്. ബേസിൽ ജോസഫ് ഉൾപ്പെടെയുള്ള ചിത്രത്തിലെ അണിയറപ്രവർത്തകരും സഹതാരങ്ങളും പങ്കെടുത്ത ചടങ്ങ് ഏറെ ശ്രദ്ധേയമായി. വൻ പ്രതീക്ഷയോടെ കാത്തിരിക്കുന്ന ചിത്രത്തിന്റെ തമിഴ് പതിപ്പ് മേയ് 22-ന് തമിഴ്നാട്ടിൽ ഉടനീളം റിലീസിനെത്തും.
മേയ് 14-ന് ആഗോളതലത്തിൽ റിലീസ് ചെയ്ത ചിത്രത്തിന്റെ മലയാളം പതിപ്പിന് തീയേറ്ററുകളിൽ നിന്നും അഭൂതപൂർവ്വമായ വരവേൽപ്പാണ് ലഭിച്ചുകൊണ്ടിരിക്കുന്നത്. ആഗോളതലത്തിൽ മാത്രം ആദ്യദിനം 13.3 കോടി രൂപ നേടിക്കൊണ്ട് ഈ വർഷത്തെ ഏറ്റവും വലിയ മൂന്നാമത്തെ ഓപ്പണിംഗ് ചിത്രം എന്ന റെക്കോർഡ് ‘അതിരടി’ സ്വന്തമാക്കി.
റിലീസ് ചെയ്ത് വെറും രണ്ട് ദിവസം കൊണ്ട് 25 കോടിയോളം ഗ്രോസ് നേടിയ ചിത്രം, ആദ്യ വീക്കെൻഡ് പിന്നിടുമ്പോൾ ആഗോളതലത്തിൽ 40 കോടി ക്ലബ്ബിൽ ഇടംപിടിക്കുമെന്നാണ് ട്രേഡ് അനലിസ്റ്റുകളുടെ വിലയിരുത്തൽ. കേരളത്തിൽ നിന്ന് മാത്രം ആദ്യ വീക്കെൻഡിൽ ചിത്രം 15 കോടി രൂപയ്ക്ക് മുകളിൽ നേടുമെന്ന് ഉറപ്പായിക്കഴിഞ്ഞു. റെസ്റ്റ് ഓഫ് ഇന്ത്യ (ROI), വിദേശ മാർക്കറ്റുകളിലും ചിത്രം ഹൗസ്ഫുൾ ഷോകളോടെ മുന്നേറുകയാണ്.
ആദ്യാവസാനം പ്രേക്ഷകരെ ചിരിയും ആക്ഷനും കൊണ്ട് ആവേശം കൊള്ളിക്കുന്ന ഒരു പക്കാ മാസ്സ് കോമഡി ക്യാമ്പസ് ഫെസ്റ്റിവൽ ചിത്രമാണ് ‘അതിരടി’. യുവാക്കളെയും കുടുംബപ്രേക്ഷകരെയും ഒരേപോലെ തീയേറ്ററുകളിലേക്ക് ആകർഷിക്കാൻ ചിത്രത്തിന് സാധിക്കുന്നുണ്ട്.
മലയാളം, തമിഴ് എന്നിവയ്ക്ക് പുറമെ ചിത്രത്തിന്റെ തെലുങ്ക്, കന്നഡ പതിപ്പുകളും വരും ദിവസങ്ങളിൽ റിലീസ് ചെയ്യും. തിയേറ്ററുകളിൽ ചിരിപ്പൂരം തീർക്കുന്ന ‘അതിരടി’ വരും ദിവസങ്ങളിൽ കൂടുതൽ ബോക്സ് ഓഫീസ് റെക്കോർഡുകൾ തകർക്കുമെന്നാണ് റിപ്പോർട്ടുകൾ.
Story Summary: The Tamil version of the multi-starrer Malayalam movie ‘Athiradi’, starring Tovino Thomas, Basil Joseph, and Vineeth Sreenivasan, was officially launched by Indian cricketer Sanju Samson in Chennai. The movie is scheduled for a grand Tamil Nadu release on May 22. Meanwhile, the Malayalam version, which was released globally on May 14, shattered box office records by collecting ₹13.3 crores gross on Day 1. Directed by debutant Arun Anirudhan, the campus-mass-comedy entertainer is eyeing a ₹40 crore opening weekend globally.
