പത്തനംതിട്ട : ആറന്മുളയിൽ ആചാരലംഘനം ഉണ്ടായിട്ടില്ല എന്ന് പള്ളിയോട സേവാസംഘം. വിവാദം ഉണ്ടാക്കിയത് ദേവസ്വം ബോർഡ് ആണെന്നും ഇവർ പറഞ്ഞു. തന്ത്രി മറുപടി നൽകിയത് ബോർഡ് കൊടുത്ത കത്തിനാണെന്നും, തന്ത്രി ചടങ്ങ് നേരിട്ട് കണ്ടിട്ടില്ലെന്നും ഇവർ പറയുന്നു.(Aranmula Valla sadhya Controversy)
വള്ളസദ്യ നേരത്തെ നടത്തി എന്ന തെറ്റായ വിവരം ബോർഡാണ് തന്ത്രിയെ കത്തിലൂടെ അറിയിച്ചതെന്നും പള്ളിയോട സേവാസംഘം കൂട്ടിച്ചേർത്തു.
ആചാരലംഘനം നടന്നിട്ടില്ല എന്നാണ് പള്ളിയോട സേവാസംഘം പ്രസിഡൻ്റ് കെ വി സാംബദേവൻ അറിയിച്ചത്. ദേവന് നേദിക്കുന്നതിന് മുൻപായി ദേവസ്വം മന്ത്രിക്ക് വിളമ്പി എന്നാണ് ആക്ഷേപം.