തിരുവനന്തപുരം: സെക്രട്ടറിയേറ്റിന് മുന്നില്‍ കഴിഞ്ഞ 12 ദിവസമായി അങ്കണവാടി ജീവനക്കാര്‍ നടത്തിയ അനിശ്ചിതകാല സമരം അവസാനിപ്പിച്ചു(strike). ധനമന്ത്രിയുമായുള്ള ചർച്ചയെ തുടർന്നാണ് സമരം അവസാനിപ്പിക്കാൻ തീരുമാനിച്ചത്.
വേതന വര്‍ധനവ് ഉൾപ്പടെയുള്ള ആവശ്യങ്ങള്‍ ഉന്നയിച്ചാണ് സമരം ആരംഭിച്ചത്. എന്നാൽ മൂന്ന് മാസത്തിനുള്ളില്‍ അങ്കണവാടി ജീവനക്കാരുടെ പ്രശ്‌നങ്ങള്‍ പഠിക്കാന്‍ ഒരു വിദഗ്ധ സമിതിയെ നിയോഗിച്ച് പ്രശ്നങ്ങൾ പരിഹരിക്കുമെന്ന് മന്ത്രി ഉറപ്പ് നൽകി. ഇതേ തുടർന്നാണ് സമരം അവസാനിപ്പിച്ചത്.