തിരുവനന്തപുരം : കേരളത്തിൽ വീണ്ടും അമീബിക് മസ്തിഷ്ക ജ്വരം സ്ഥിരീകരിച്ചു. രോഗബാധയുള്ളത് കണ്ണൂർ, കാസർഗോഡ് സ്വദേശികൾക്കാണ്. കണ്ണൂർ സ്വദേശിയായ മൂന്നര വയസുകാരനും, കാസർഗോഡ് നിന്നുള്ള 6 വയസുകാരനുമാണ് ചികിത്സയിൽ കഴിയുന്നത്. (Amoebic Encephalitis in Kerala)
ഇവർ കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലാണ്. ആശുപത്രി അധികൃതർ അറിയിച്ചത് കുട്ടികളുടെ ആരോഗ്യനില തൃപ്തികരമാണ് എന്നാണ്.
ഇന്നലെ പാലക്കാട് 62കാരന് രോഗം സ്ഥിരീകരിച്ചിരുന്നു. തലച്ചോറിനെ ബാധിക്കുന്ന അപൂർവവും എന്നാൽ ഗുരുതരവുമായ ഒരു രോഗമാണ് അമീബിക് മസ്തിഷ്കജ്വരം. ഇതിന് കാരണമാകുന്നത് നെഗ്ലേറിയ ഫൗളേറി എന്ന അമീബയാണ്.