കൊച്ചി: ലോകത്തിലെ ഒൻപതാമത്തെ വലിയ നിർമ്മാണ സാമഗ്രികളുടെ ഗ്രൂപ്പായ അദാനി ഗ്രൂപ്പിന്റെ ഭാഗമായ അംബുജ സിമന്റ്സ്, കേരളത്തിലെ നിർമ്മാണ മേഖലയിൽ വിപ്ലവകരമായ മാറ്റങ്ങൾ കൊണ്ടുവരുന്നു (Ambuja Cements Kerala). മികച്ച ഉൽപ്പന്നങ്ങൾക്കും സാങ്കേതിക മികവിനുമൊപ്പം സംരംഭകർക്ക് നൽകുന്ന പിന്തുണയും കമ്പനിയുടെ വളർച്ചയിൽ നിർണ്ണായകമാകുന്നു. എറണാകുളം സ്വദേശിയായ ശിവിൻ രവിയുടെയും അദ്ദേഹത്തിന്റെ സ്ഥാപനമായ യൂണിറ്റി ഹൈറ്റ്സ് കൺസ്ട്രക്ഷൻസിന്റെയും വളർച്ച ഇതിന് മികച്ച ഉദാഹരണമാണ്.
12 വർഷങ്ങൾക്ക് മുൻപ് ഒരു സൈറ്റ് എഞ്ചിനീയറായാണ് ശിവിൻ രവി തന്റെ ഔദ്യോഗിക ജീവിതം ആരംഭിക്കുന്നത്. 2015-ൽ ‘യൂണിറ്റി ഹൈറ്റ്സ് കൺസ്ട്രക്ഷൻസ്’ എന്ന സ്വന്തം സ്ഥാപനം ആരംഭിച്ചു. തുടക്കത്തിൽ വീടുകളുടെ നിർമ്മാണത്തിൽ ശ്രദ്ധ കേന്ദ്രീകരിച്ച കമ്പനി ഇന്ന് വാണിജ്യ, സർക്കാർ കെട്ടിടങ്ങളുടെ നിർമ്മാണത്തിൽ സജീവമാണ്. കഴിഞ്ഞ പത്ത് വർഷത്തിനിടെ എറണാകുളം, ഇടുക്കി ജില്ലകളിലായി നൂറിലധികം നിർമ്മാണ പദ്ധതികളാണ് ശിവിൻ പൂർത്തിയാക്കിയത്.
അംബുജ സിമന്റ്സിന്റെ നൂതന ഉൽപ്പന്നമായ അംബുജ പ്ലസ്, സുസ്ഥിരമായ നിർമ്മാണ രീതികൾ എന്നിവയാണ് തന്റെ വിജയത്തിന് പിന്നിലെന്ന് ശിവിൻ രവി വ്യക്തമാക്കുന്നു. കമ്പനി നൽകുന്ന സാങ്കേതിക സേവനങ്ങളും സൈറ്റ് വിസിറ്റ് ഉൾപ്പെടെയുള്ള പിന്തുണയും ഓരോ ഘട്ടത്തിലും ഗുണനിലവാരം ഉറപ്പാക്കാൻ സഹായിച്ചതായി അദ്ദേഹം പറഞ്ഞു.
നിർമ്മാണത്തിന്റെ ഓരോ ഘട്ടത്തിലും കൃത്യമായ മാനദണ്ഡങ്ങൾ പാലിക്കുന്നുണ്ടെന്ന് ഉറപ്പാക്കാൻ അംബുജ സിമന്റ്സിന്റെ സാങ്കേതിക സംഘം കരാറുകാർക്കും എഞ്ചിനീയർമാർക്കും സഹായമേകുന്നു. ഇത് കേരളത്തിലെ നിർമ്മാണ മേഖലയിൽ വലിയ മാറ്റങ്ങൾക്കാണ് വഴിവെക്കുന്നത്.
